104. 1607 Jun. 25. Van D. Baudius1.

Quod officii genus ipse non gravate usurpassem si salva fide nunc abesse liceret, id comitati tuae resigno, nimirum ut honestum hunc iuvenem2 concilies τῷ πάνυ nostro Mylio, quem hodie ex te auditum retulit mihi Reigersbergius3 pro certo esse iturum in Galliam, et quidem propediem, forte antequam absoluta fuerit nostrorum Poematum editio4. quod si fit, non quidem perii funditus, ut ille adolescens apud Comicum5, sed tamen magna spe decidam, nec facile sine eius opera ad nostrum Larem accedet ὁ πλοῦτος ἄϕρων, ϰαὶ πονηρὸς ϰαὶ τυϕλός. Interim nunquam oportuniore tempore daret se mihi obviam, ita nunc plenus sum iniuriarum. Sed desino mollium harum querelarum, et hoc iterum te rogo, cuius causa cepi impetum scribendi, nempe ut primos aditus, et quae mollissima fandi tempora6, velis patefacere huic modesto iuveni,

et hactenus pudorem eius sublevare. Si est ut impetrare possit ab humanissimo virorum Mylio, ne se in comitum numerum aggregare dedignetur, immortalem gratiam uterque inibitis, et ego non mediocri me beneficio devinctum putabo. Vale, et nos dilige. Raptim ut vides, Lugdun. Batavorum. XXV Iunii, CIƆIƆCVII.

Notes

1 - Gedrukt Baudii Epistolae p. 209.

2 - Wellicht Lancelot van Brederode, over wien in Baudii Epistolae p. 206, 207, 208 in dit verband gesproken wordt. Van een reis van Van der Myle naar Frankrijk is mij niets bekend. Men zou kunnen vermoeden, dat deze brief uit later tijd, b.v. 1609 of 1610 is, maar ook in Baudius' brief aan Van der Myle van 25 Juni 1607 (Epp. p. 208) zegt hij: ‘Hodie ex Reigersbergio pro certo comperi tibi decretam in Gallias legationem’.

3 - Nic. van Reigersberch was 24 Juni 1604 als student te Leiden ingeschreven.

4 - Dominici Baudii Poematum nova editio. Lugd. Bat. Th. Basson 1607, opgedragen aan de Staten Generaal.

5 - Terentius, Andr. 244.

6 - Virgilius, Aen. IV, 293.

Searchform

Fulltext search

Metadata search

Search domain

104. 1607 Jun. 25. Van D. Baudius1.