eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    91

    107. 1607 Oct. 7. Van D. Baudius1.

    Κυριαϰὸς ἀνδρῶν οὐ ϰάϰιστος Βαύδιος,
    γῶνι χαίρειν εὖ τε πράττειν Γρωτίῳ. Secundus ille qui mihi cognatus est,
    Ut scis, et aere     dives olim, nec fide Fuit minore: non Apostolicam fidem Loquor, sed illam quam Cracharpages colunt. Qui non adorant nec putant quenquam Deum, Praeter Monetae numen et Plutum patrem. Sed ut revertar ad Secundum Lussium, Is est redactus pene nunc ad incitas. Nam filius, quem sapere credebat pater Plusquam Thaletem praedicant Milesium, Bono Chremeti2 iecit ingentem bolum, Non alea, non Venere, non luxu gulae, Sed credula spe captus indignis modis, Ab inclyto nepote Vanderhagio. Quo nemo tempestate nostra doctius Corvos hiantes ludit et ductat dolis. Ni Moucheronem forte compares planum Isti tribuno vapulari3. Sed nimis Longe petitis te moror sermonibus, Venuste Groti. rem tibi paucis dabo. Secundus ille dives olim nunc egens, Reposcit aes quod mutuum dedit mihi, Quum re fideque provocabat Attalum Magnosque reges. et colore scilicet Hoc utitur, quod ex relatu testium Gravissimorum comperisse se refert Mihi Euclionis4 esse thesauros domi, Quos a Britanno Rege pro Poëmatis5 Velut e sepulcro aut promptuaria penu Extenterarim, sed vafre celem malus Ut creditores debito evertam meos. Ridebis haec, an potius indignaberis? Id iam mihi restabat Aedili novo Praebere ludos, atque differri iocis Per ora plebis. hoc tamen fruor lucro, Quod et monarchas habeo debendi reos.

    92

    Sed ista scire sacculus negat meus, Qui cum Catullo plenus est araneis6, Nec in solutum spes inanes accipit Danista, quod scis esse pessimum genus Mortalium. sed unus e tota tribu Seiunctus esse postulat Ferrerius - χρὴ γὰρ Πλάτωνα δῖον ἐξαίρειν λόγου - Pro quo mihi tot evocati milites, Tot bella sunt pugnata, nec facti piget, Tamen colonus carceris diu fuit, Ut ipse nosti, et nunc abesse cogitur, Aut exulare, ne figurate loquar. Porro ede sodes, o Poëtarum decus, Quid esse facto censeas opus mihi. Quod si optionis indigere rem putas, Nec explicare solus hanc litem potes, Tibi advocandum suadeo Borelium ὃς οἶδε πόλλα ϰαὶ παλαιὰ ϰαὶ μάλα πλάχϑη, νόον τε ϰαὶ πόλεις ἀνδρῶν ἴδεν, Ut quondam Ulysses ille Laerta satus, Quem dia nobis mens Homeri protulit Exemplar utile et salubre, quid queat Virtus, sagaxque pectus haud cedens malis. Huic fide, si quid rite curatum voles. Nam Regis uti munere arbitri, foret Nimis superbum, quanquam in aere sunt meo Reges, nec amplis esse Satrapis minor Te fretus audet gloriari Baudius. Sed ille magnam qui regit Britanniam, Ecquid videtur exsoluturus fidem? Ecquid Dianae studia permittunt, uti Phoebo vacare possit, et nostras velit Respicere Musas? sic opinor, si studet Famam tueri, qua per orbem clarus est. Aiunt enim qui propius observant virum Uno ore, nullum vivere in terris caput, Quod largitatis laude conferri queat Cum rege Iames, experiri gestio, Rumorne mentiatur an verum ferat. Barclaius7 ille, cuius in sinum aureus Defluxit imber testis haud inanis est Quantopere Princeps ille literas amet Et literatos, in quibus non infimum Parare nomen tuque egoque possumus, Ni vana me titillat assentatio,

    93

    Quae veritatis lumen obscurat solens. Sed cur, quod ante deprecari coeperam, Te taediosis demoror sermonibus? Huc tota summa tendit, hoc in cardine Fortunae spes opesque nostrae sunt sitae. Secundus ut se comiter flecti sinat Prece aut favore, ne petaces literas Ad me remittat usque, donec in vado Sit constituta lis Stapelionidae8 Quod obtinere spero cis paucos dies. Sic auguratur animus. interim iubet Κυριαϰὸς ἀνδρῶν οὐ ϰάϰιστος Βαύδιος Ὑγῶνα χαίρειν, πολλὰ ϰλαίειν Σϰώππιον.

    VII Octobr. CIƆIƆCVII.

    Haec sunt non nugae, non enim mortualia9.
    Notes



    1 - Gedrukt Baudii Epistolae p. 243; Baudii Poemata (1640) p. 149. De brief handelt over een schuld van Baudius aan zijn neef Secundus Lussius. Over die familieverhouding is mij niets bekend. Een brief aan Jacob Lussius te Amsterdam (in het register heet hij Isaac), in Baudius' Epistolae p. 121. In het Leidsche Album studiosorum komen twee Lussii voor: Isaacus 17 Sept. 1591, en Matthaeus 11 Dec. 1607; beide uit Dordrecht.
    2 - Chremes, de ‘senex’ in Terentius' Phormio en Heautontimorumenos.
    3 - Tribunus vapularis, Plautus, Pers. 22.
    4 - Euclio, de gierigaard in Plautus' Aulularia.
    5 - Gedichten aan Jacobus I in Baudius' Poemata (1640) p. 569 vv.
    6 - Catullus XIII, 7.
    7 - John Barclay, 1582-1621, de schrijver van het Satyricon en de Argenis.
    8 - Over dit proces handelen de brieven van Baudius aan Henricus Stapelius, Epp. p. 374, 405, 406, 412, en die aan Servin, ib. p. 381.
    9 - Plautus, Asin. 808.