Clarissime Heinsi.
Deceperunt te nuper literae meae2 quibus nuptialem Tithoni3 tui diem significavi. hodie enim certo, hoc est ab ipsa, cuius de virginitate agentur comitia, mihi nuntiatur, solennia peractum iri die Martis proximo4: quod te latere nolui: quem et arbitrum facio, num hoc carmen5 otii penuria et aliud agentis animi festinatione protrusum, novi coniugis honori edi an meo supprimi debeat. V. Nov.
Tui observantissimus
H. Grotius.