eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    200. 1610 Oct. 14. Van P. Cunaeus1.

    Amplissime Vir.

    Quod me coram tecum agere puderet, id sine rubore exponam absens audacius. Constitui publicis lectionibus Satyras Horatianas2 interpretari. Cuius

    170

    rei ab Amplissimis Academiae Curatoribus iam ante facta mihi potestas fuit. Quare a te maximo opere pro tua singulari humanitate etiam atque etiam peto, et quaeso, ut, si te res nulla impedit, ad prima auspicia mea venire digneris. non quod aliquid auditurus sis, quod eruditissimis tuis auribus sit dignum. sed quia permagni interesse intelligo ad honoris mei fructum, te, virum doctum et dignitate excellentem, benevolentiam erga me tuam hoc tempore sic publice testari. Ego Orationi ex more habendae diem Sabbati et horam eius diei decimam elegi. idque adeo ob hanc causam, ut caeteri Professores omnes sine lectionum impedimento me audirent. quod si tuum quoque vultum mihi tunc indulgebis, summi illud beneficii loco, ut debeo, ducam. Vale, Vir amplissime, Lugd. Bat. XIV Octob. CIƆIƆCX.
    Notes



    1 - Gedrukt Cunaei Epistolae p. 94.
    2 - In de Curatoren-vergadering van 8 Mei 1611 werd aan den student Petrus Cunaeus, die ‘enigen tijt publice gelesen hadde Horatium voor de aencomende jonge luyden’, een vereering van ƒ 100 toegekend. Cunaeus werd 8 Febr. 1612 prof. Linguae Latinae extraord. en 6/7 Aug. 1613 ordin. In de vergadering van 8 Febr. 1614 werd hij daarbij prof. Politices; en, nadat hij 19 Juni 1615 honoris causa Doctor Juris was gecreëerd, werd hem 8/9 Nov. van dat jaar naast de professio Politices ook een professoraat in de Rechten gegeven. Molhuysen, Bronnen II p. 27, 41, 49, 51, 56, 62. De Oratio, waarover Cunaeus hier spreekt, is te vinden in zijn Orationes, ed. Cellarius no. XI.