243. 1612 Juli 12. Van Justinus van Nassau1.

Monsieur. Comme Madame de Tsherats va présentement en Hollande, pour solliciter un sien affaire qui luy est asses important, et auquel elle aura de besoing de vostre bonne faveur et assistence, je n'ay peu laisser de vous prier de vouloir tenir son dict affaire en bonne recommandation, et la vouloir assister de vostre bon conseil et advis, à celle fin que la bonne dame puisse tirer quelque fruit de son voyage, et pardessus qu' elle vous demeurera obligée de la courtoisie que vous luy tesmoigneres. Je tiendray aussi à un particulier faveur l'assistence que vous luy feres en ma considération. Et ne servant celle si à aultre effect ie prieray Dieu vous donner,

Monsieur, en bonne santé longue et heureuse vie. Du Chateau de Breda ce 12 de Juillet 1612.

Vostre plus affectionné a vous faire service
Justinus de Nassau.

Adres: A Monsieur Monsieur de Grotte Advocat Fiscael de la Cour d'Hollande A la Haye.