eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    258. [1613 April 16 of 17]. Van Is. Casaubonus1.

    Vir amplissime, quod oblitus sum tibi dicere, cum apud te fui, brevi hoc pittacio tibi significabo. Ὁ πάνυ Eliensis2 heri quaesivit a me quando te esset visurus. dixi te vel Mercurii vel Iovis die ad illum cogitare. petiit ille tum a me, ubi tu hospitium haberes. cum in eo essem, ut tuum ipsi diversorium indicarem, et de die certi aliquid constituerem, ecce Regem, qui suo interventu colloquium nostrum abrupit. Quare nihil certi constitutum. Sed fieri potest, ut D. Episcopus ad te mittat. Volui igitur nescius ne esses quid egissemus. Tu condictae diei apud D. Decanum3 memineris. Vale, ϰαὶ εὐημερῶν διατέλει. Dominus Iesus annos tuos multiplicet. De carmine4 iterum te appello. semel enim frontem perfricui; sed ea lege, ut meas lucubratiunculas prius inspicias diligentius, quam scriptioni te accingas. Atque utinam maximi Heinsii Graecos versus mihi exprimere queas. Tu igitur operi meo apud illum praebere testimonium debebis domum reversus. Vestris duorum testimoniis nullum aliud adiicietur.

    Tui observantiss.
    Is. Casaubonus.

    Adres: Viro amplissimo D. Hugoni Grotio.
    Notes



    1 - Hs. Stadtbibl. Hamburg, cod. Supell. ep. fol. 28, f. 42. Gedrukt Casauboni Epistolae p. 533. Grotius en Casaubonus brachten Donderdag 19 April (n.s.) een bezoek aan den Bisschop van Ely (Casauboni Ephemerides p. 976). ‘Condictae diei apud D. Decanum’ slaat m.i. op den maaltijd van 18 April (zie p. 230 n. 2). 16 en 17 April was Casaubonus bij den Koning. Dit briefje zal dus van 16 of 17 April zijn.
    2 - Andrewes, zie p. 229 n. 2.
    3 - Overall, zie p. 229 n. 2.
    4 - Casaubonus vraagt een gedicht van Grotius en een van Heinsius om vóór zijn boek tegen Baronius te drukken. Dat van Grotius, beginnend: Annales docti nimium servire Baroni is er voorin afgedrukt; het is in Grotius' Poemata niet opgenomen. Van Heinsius is er geen.