Monsr. Grossius. J'ay bien voulu par le retour du Sr. du Maurier, Conseiller en mon Conseil d'Estat et mon ambassadeur par dela, vous asseurer de la bonne volonté que je vous porte et du desir que j'auray de le vous tesmoigner quand il s'en présentera occasion, estant bien informé de l'affection que vous faictes
592
paroistre par dela en ce qui soffre pour le bien de mon service dont je vous sçay tres bon gré, ainsy que vous dira mon dit Ambassadeur; sur lequel me remectant, je prie Dieu, Mons. Grossius, quil vous ayt en sa sainte et digne garde.Escript à Paris le XXVe jour d'octobre 1617.
Louis.
Brulart.
Adres: A Mons.r Grossius.