Vir Reverende.
Legi quae in nostram et veritatis gratiam Ravenspergero respondisti2, quae mirifice placent omnia, nec mutatum quicquam velim, nisi sicubi forte ipsius τῷ ϰαϰοήϑει concitatus durius aliquid in ipsum dixisti, quod inter relegendum, si ita videtur, poteris mitigare. Etiam Antipelagiana3 quantum occupationes permiserunt perlegi, praesertim vero eam partem quae est de virtutibus Ἑλλήνων. Omnino ego hic tecum et cum antiquitate sentio; ea quae ex philosophia apponit amicus noster expensis recte vocum rerumque discriminibus, quae abs te annotata sunt, corruere video. Vale vir optime et bene de bonis mereri nunquam desine. 10. Aprilis 1618, qui mihi Natalis XXXV.
Tuus totus
H. Grotius.