758. 1622 Mei 27. Aan Willem de Groot1.

Ad tuas, quas 15 Maii ad me misisti, literas respondeo Frater. De his quae apud Vossium curasti gratias ago. De Eclogis Physicis2 placet consilium tuum, ut describas meas coniecturas annotata pagina et versu, easque mihi transmittas. Ita libro carere facile potero. Abrahamum Milium3 a me salvere cupio; quod ni scriberes quaestum ipsum ex mercatura facere, cupivissem explorari eius animum an huc transferre familiam vellet, non cariturus magnis amicitiis. Hexabiblon4 meum videre aveo. In titulo nihil mutandum. In libello ad Rotterodamenses5 annos de industria non expressi, neque id fieri oportet: nam si ad hunc diem postulem iam causa data recusandi videbitur; si ad sententiam usque, videbor temporum distinctione quae in me acta sunt agnoscere. Itaque ἀδιορίστως concipienda fuit postulatio: illi solvant ad quod videbitur tempus, id enim nobis non oberit. Smoutio6 ne nimium credite. De lite bonorum vix quicquam spero. Est ars patricia7 nos eo modo lactare. Milii8 causa gaudeo cum illi mollius exsilium obtigit; quod ut norit, meque nihil non paratum ipsius causa facere, vos rogo. Mitto tibi exemplum diplomatis9 quod nostri exsules me commendante a Rege obtinuerunt. Poteris describendum Nicolao Reigersbergio dare. Dicitur Rex ad se traduxisse Sullium et Fortium10. Colloquia de universali pace lente procedunt, intento Rege in occasiones belli et privatarum pactionum, quo vim factionis dissolvat. Miror nihil intelligere me de Drentiana lite11. Puto non esse monendos de honorario pro opera in litem ipsorum insumpta. Si quid dederint, ut aequum, usui mihi erit ad domum instruendam. Conduxi e regione Principis12. Audio Catsium Veenhusii generum13 obtinuisse pro se sententiam contra Waremundanum14. Ego memini me in ea causa multum laborasse. Si quid honorarii offeret,

216

Tuus
H. Grotius.