261

802. 1622 Nov. 30. Van J. de Hertoge van Osmael, heer van Valkenburg1.

Monsieur.

Encores que par cy-devant j'avois apprins assez confusement par lettres demonsr. de Bie2, mon beaufrère, vostre retraicte à Parys, si est ce que jamais je n'ay eu moyen de sçavoir particulièrement le lieu de vostre demeure, que par la venue de monsieur Vinck3, qui passant par ces quartiers m'en a donné cognoissance bien particuliére: fort ayse que je suis d'avoir encores veu par celle qu'il a pleu à mademoiselle vostre compaingne d'escrire à ma femme, qu'après vostre heureuse et plus que miraculeuse delivrance des prisons de Louesteyn, vous auriez trouvé vostre contentement en France, et esté honoré de Sa Maiesté d'une fort honorable pention. Les obligations que je vous ay, long temps y a, ne m'ont donques permis de laisser passer ceste occasion, sans vous de nouveau offrir la continuation de mes très humbles services, vous prient de croire qu'elles vous sont encores si enthièrement acquises et dédiées que jamais: que mesmes ny la distance des lieux de nostre séjour, ny la longueur du temps, ny la considération de la charge que j'ay l'honneur de posséder par desça, ayent tant soit peu diminué l'affection, qui est en moy inviolable, de vous produire à toutte sorte d'occasion les effects d'une ame fort recognoissante envers ceulx qui luy ont procuré des bienfaicts. Recevez doncq s'il vous plaict, monsieur, cest offre, non par forme de compliment ou courtoisie ordinaire, mais procédent d'un devoir en toutte franchise et selon le naturel de nostre patrie. Et sur ce voeu finissant vous supplie de croire que je suis de tout mon coeur,

Monsieur,

Vostre très humble et très obligé serviteur
J. Hertoge d'Orsmaele.

Au chasteau d'Orange ce
30 Novembre 1622.
M. Grotius.

Madamoiselle votre digne compaingne et messieurs vos frères4 trouveront icy avecq vostre permission mes plus humbles recommendations avecq offre de toutte service.

262

Si vous me faictes la faveur d'avoir souvenance de moy, il vous plaira addresser vos lettres à Messieurs Jean François et Jean François de Pradel Salmatori, marchands demeurants à Lion, avecq superscription: ‘A Monsr. de Valkenburch Lieutenant et Capiteine Général pour M. le Prince d'Orange en sa dite Principaulté’, et en ceste fascon elles me seront fort seurement rendus.

Adres: A Monsieur, Monsieur Grotius etc. demeurant au Fauxbourg St. Germain au devant de l'hotel de Condé joingnant la fortification Royale à Paris.

In dorso schreef Grotius: 30 Nov. 1622 Valkenburg.