812. 1623 Jan. 8. Van N.N.12

Monsieur. Ayant esté requis par vous pour sçavoir de moy quels juges ont esté advancés depuis la sentence donnée, je vous en diray icy sy peu que j'en puis sçavoir, assavoir que de Gueldre Voocht, lequel demeure contre l'ordre des Estats de Gueldre aux Estats Généraux, et Essen, lequel le Prince d'Orange avoit faict Drossart de la Velue, n'a esté admis par la Noblesse, nonobstant sa commission; Sylla, fiscal de l'armée.

Hollande. Muis, Pau, Bruinincx sont demeurés aux Estats Généraulx, Bruinincx a esté Ambassadeur en Angleterre. Le Pensionnaire Pau est devenu Curateur de l'université de Leyden et un aultre fils conseiller au Grand conseil; Arent Meynert, Beuckel van Santen, Broechoven aus Gecommitteerden Raaden; Jan Pieter Schaagen d'Alckmaar au Conseil d'Estat; Duc, ayant esté conseiller du Grand conseil, est devenu Pensionnaire et Maria sa fille, estant mariée à Leo3, lequel a esté secrétaire de Langrack, luy a faict avoir l'office de Baillix du pays de Voorn; Cromhout président de la Court Provincialle, et son nepveu du Jardin commissaire des monstres, lequel ayant esté convaincu d'avoir faict mauvaise monstre à la Compie. de Mr. Dirick de Leyden de 25 passevolant, a esté excusé; Pots Greffier de la cour d'Hollande.

Utrecht à Plooys faict tant de bénefices et au siens, qu'ils passent le nombre. Au reste tous les autres ont eu credit et ont eu pour leur vacation jaccun 2400 livres.

270

Du surplus je ne suis point informé. J'ay entendu que le Placaet4 a esté publié à Amsterdam et autres lieux, touchant vostre Apologie, et ay apprins aussy de bonne part qu'ils ne l'ont faict à mauvaise intention. Autre chose ne vous puis que mander pour le présent, sinon que je demeure,

Monsieur.

Votre très humble serviteur
H.M.

Ce 8 Janvier 1623.

Adres: A Monsieur de Groot à Paris.