eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    993. 1625 Juli 25. Aan Willem de Groot1.

    Dubitavi, mi Frater, an ad Principem scriberem. Scripsi tamen sed ita ut nisi per Losecatium2 literas curari omnino nolim; deinde ut simul quantum possum exigam in hoc negotio taciturnitatem, ne diu cultam amicitiam improvida aliqua garritio offendat. Est ipse amans silentii et haec tempora hoc exigunt.

    Pacem civilem ut puto brevi habebimus, in Italia res Gallicae pessime procedunt et arma Corduae3 Pedemontano agro imminent. De Sancti Salvatoris oppido quin nostris perierit, frequentes ex Hispania nuntii nos dubitare non sinunt. Vidimus hic quae Bogermannus4 edidit de supremis Principis Mauritii. Multa

    460

    ibi sunt ridicula: et satis apparet periculum ex Dordrechtano dogmate. Est apud nos Mylii filius5, bono ingenio et ad res facto. Graswinckelius noster accingit se, par quem aliqua ad te mittam. Wassenarii labor6 non indignus lectu est, quanquam non multo iudicio confectus. Ego nunc Lucani7 manuscriptos confero. Rogo Patrem, matrem, et propinquos salutes. Losecatium Magno8 iterum commendavi. Valete. 25 Iulii 1625.

    Tuus tui amantissimus Frater
    H. Grotius.
    Notes



    1 - Gedrukt Epistolae p. 783.
    2 - Zie p. 453 n. 3.
    3 - Don Gonzalez de Cordoue.
    4 - Het Christelijck Overlyden van den ... Prince, Mauritius van Nassau ... beschreven door Johannem Bogermannum. 1625. Knuttel Pamflet 3591 vv.
    5 - Zie p. 456 n. 6.
    6 - Zie p. 439 n. 4.
    7 - Zie p. 455 n. 12 en no. 997.
    8 - Zie p. 459 n. 5.