eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    1000. 1625 Aug. 15. Aan Willem de Groot1.

    Si opus nostrum de iure belli ac pacis Patri optimo, tibi, et bonis aliquot non improbatur est quod me operae non poeniteat. Exemplarium copiam brevi

    470

    habebitis. De Apologetico2 audivi antehac auctoritate publica Antverpiae suppressum tanquam periculosae lectionis. Hogerbetio exiguum epistolium mitto quo libertatem ei gratulor. Ad Rivam Galli nihil promovent: nec magis in Italia quanquam Feria3 nuper imprudenter tentata Astae obsidione ante copiarum Cordubentium4 adventum erroris sui poenas dedit, coactus abscedere: sed id exiguum. Cetera Gallorum et ibi male habent amissis quae bello ceperant. Iam Sabaudus de suis servandis certat. Nostri a Subizianis bis cladem acceperunt, quod Rupellensium animos ita accendit, ut vix accepturi videantur pacis conditiones. Verdoesium5 meo nomine salutari velim. Scriptura adolescentis6 quam mittit pater tolerabilis est. Sed Latina scriptione magis et saepius utimur. Recte igitur faciet si eam addiscat. Cornelii literis et alteris quae aderant occasione data respondebo. De porcellaneis7 si opus sit cogitabimus, nunc non est. Vale cum uxore, parentibus, amicis. 15 Augusti 1625.

    Tuus tui amantissimus Frater
    H. Grotius.
    Notes



    1 - Gedrukt Epistolae p. 784.
    2 - Zie p. 76 n. 1.
    3 - Dom Alvarez de Figueroa, hertog van Feria.
    4 - Zie p. 459 n. 1.
    5 - Mr. Jacob van der Does, raadsheer van den Prins.
    6 - Zie p. 462 n. 2.
    7 - Zie p. 295 n. 10; p. 471 n. 2.