1120. 1627 januari 9. Aan Willem de Groot1.

Tuas, mi frater, circa finem anni datas jamjam recipio ipsa hora, qua respondendum est. Quandoquidem spes illa, de qua scribis, moram accepit, apud me nullius est momenti. Scio, quae impedimenta exspectanda sint. Et consideratis, quae Reigersbergius2 de initiis scribit, velim nostros quiescere. Saltem patrem aut propinquos supplicare plane nolim.

Hexabiblos3 si non statim ibi publicari potest, rogo ad me remittatur, nam urgent amici. Nostram Franciscam4 baptizavit Auratus5, clam familiam, me coram, uxore ac filia natu maxima6.

Graswinckelii7 mors quando ita evenit fortiter ferenda et opponenda inexspectato partui uxoris Dusseni8.

Vale cum parentibus et amicis. Ut valeat soror Losecatia9 scire cupiam et si it Lugdunum pertentare animum Heinsii in nos quis sit.

9 Ianuarii anni 1627, quem vobis omnibus felicem precor.

Vester
H. Grotius.