Ex literis tuis, mi frater, quas fine anni dedisti, gaudeo valere vos. Etiam epistolium accepi, quo de panno significas, qui nunc cum opusculis illis adnos amne navigat.

Schickardum2 quanti meretur a Golio3 fieri gaudeo et spero postulata ipsius cordi fore illi, qui solus multorum desideria multis magnisque in rebus potest explere. Quibus rationibus libellorum scriptores reditum nostrum oppugnent, scire nostra interest. Nostros miror donare ut divites, foenori sumere ut egentes. Siquem hic haberet Blavius4 qui persequeretur negotium privilegii librarium puta, ego et amici commendatione juvaremus. Nam cursare per tot homines, quorum opera ad eam rem requiritur, vix in meis negotiis possum. Multum debeo comitati Cordesii5. Is petivit a me sibi emi hos libros Drusii6, quos adhuc desiderat: Apophtegmata in quarto, Parallela in quarto, Quaestiones, non illas epistolicas, sed ἁπλῶς ita dictas in octavo. Rogo compares et ut apud nos fit compaginari cures sumtu meo.

Haec aula adhuc studiis post personatam illam compositionem discors manet, sed ita ut cardinalis7 agat et reginarum major8 indignetur se nihil posse, minor9 lachrymet abduci a se omnes, quibus assueverat. Rex horum taediorum impatiens solitudinem quaerit et ei speciem obducit venatus. Marillacus marescallus10

316

dicitur Verdunum duci ut Belegardum11 sua vice praesidentem arci ad deditionem impellat additis qui ipsius supplicio alterius contumaciam, si perstet, expient. Regina mater et huic libertatem et fratri12 suarum rerum domesticarum curationem poposcerat, sed non exauditur. Cardinalis et consiliis et amicis et excubiis salutem suam obsepit.

Quin in Italia omnia finem pacatum sint habitura, prudentium dubitat nemo.

Felicia cuncta parentibus, tibi, tuae13, tuis et nostris omnes precamur.

10 Ianuarii 1631.

Quid Phaenissae14? ubi sunt? Institutiones15 an prodierunt, ecquid placeat?

Tui amantissimus frater

H. Grotius.

Notes

1 - Gedrukt Epist., p. 836.

2 - Wilhelm Schickard; zie no. 1527, p. 243 n. 4.

3 - Jacobus Golius; zie III, p. 408 n. 9.

4 - De Amsterdamse uitgever en cartograaf Willem Jansz. Blau.

5 - Jean de Cordes (1570-1642), Frans schrijver, een der geleerdste mannen van zijn tijd.

6 - Johannes Drusius - van den Driessche - (1550-1616). Hij was van 1572 tot 1576 te Oxford hoogleraar in het hebreeuws, chaldeeuws en Syrisch; in 1577 werd hij te Leiden benoemd en in 1585 te Franeker. Hij was bevriend met Arminius en Wtenbogaert. De hier genoemde geschriften zijn Apophthegmata Ebraeorum ac Arabum ex Avoth R. Nathan, Aristeâ libro selectarum Margaritarum, & aliis Auctoribus collecta, Latinè reddita; cum brevibus scholiis, per Joan. Drusium Aldenardensem. Franek. Aegid. Radaeus, 1591; item ibidem idem 1612; Τὰ ἱεϱὰ παϱάλληλα, Parallela sacra, hoc est, Locorum Veteris Testamenti, cum iis quae in Novo citantur, conjuncta commemoratio, Hebraicè & Graecè transcripta, Latinè versa, notisque illustrata. Operâ & studio Joan. Drusii. Franek. Aegid. Radaeus, 1588; Liber Quaestionum ac Responsionum, in quo varia Scripturae loca explicantur aut emendantur. In Academiâ Lugdunensi, 1583.

7 - De Richelieu.

8 - Maria de Medici.

9 - Anna van Oostenrijk.

10 - Louis de Marillac; zie III, p. 53 n. 11.

11 - Roger de Saint-Lary et de Thermes, duc de Bellegarde, marquis de Versoy, seigneur et baron de Thermes (1562-1646).

12 - Michel de Marillac; zie over hem III, p. 53 n. 11.

13 - Alida Graswinckel.

14 - De Amsterdamse uitgave van 1631; zie Ter Meulen-Diermanse, no. 497.

15 - Inleiding tot de Hollandsche rechts-geleertheyd. 's-Gravenhage 1631; zie Ter Meulen-Diermanse, no. 757.

Searchform

Fulltext search

Metadata search

Search domain

1575. 1631 januari 10. Aan Willem de Groot1.