1863A. 1633 juli 30. Van E. Bocker.1

Edler, ehrenvester, grossachtbarer vnd hochgelahrter, innsonders grossgunstiger lieber herr,

Nebenst anerbietung meiner jederzeit bereitwilligstenn dienste vnndt freündtlichen grusses, gebe demselbenn ich hiermit wohlmeinende zuvernehmenn, dass zweyfels ohne, auss sonderbahrer dess Allerhochstenn providenz vnndt schickung, vf vorhergehendes fleissiges gebetth, auch mit wohlgepflogenenn rath vnd einwilligung beyderseits freund[s]chafft, ich meine vielgeliebete jungfraw tochter Johanna, dem ehrenvestenn vnd fürnehmen herrnn Christiann Lorenzenn, handelsmann alhier,2 etc., biess uf priesterliche copulation, ehelichenn verlobet vnndt zugesaget, vnd zu dessenn volnziehung, der Montag des eilfftenn Sontages nach Trinitatis, welches wirdt sein der 26. Augusti3 - Gott gebe zu glucke - nechstkunfftig, praefigiret vnnd anberaumet.

Wann ich dann meinem grossgunstigenn liebenn herrnn benebenst seinen geliebtenn sohne herrn Cornelio etc.4 bey solchenn angesteltenn hochzeitlichenn ehrenwerg, innsonderheit auch gerne wunzschen vnndt habenn möchte, alss gelanget an denselbenn mein dienstfreundtliches bittenn, er wolle sambt seinen herrn sohne, vorherbestimbtes tages, zeitlichen alhier ankommen, bey mir inn meiner behaussung, in der Grimmischen

347

Solches gereichet zue förderst Gott dem allmächtigenn, alss stiffternn vnndt erhalternn des heyligenn eheordenns, zue ehrenn, nachmals braut vnndt breuttigamb auch beyderseits anverwandtenn, zu sonderbahrenn freundtlichenn gefallenn, vnnd es ümb den herrn vndt dessen herr sohnn - zu den ich mich keines aussenbleibenns versehe - hin wieder zuver[s]chuldenn, binn ich allezeit willig,

E. Ed. d[iene]r,
Eduuard Bocker.

Datum Leiptzigk, den 20. Iulii anno 1633.