1940. 1634 juli 24. Aan Willem de Groot1.

Frater optime,

264

Si quis sit apud vos dicaculus, qui libros scribere possit non edentulos, quales jam aliquammultos in Societatis Indicanae curatores prodiisse vidimus, scito talis hominis operam hic desiderari. Et labori ejus pretium fore annuum, unde honeste se sustentet, sive jam nunc pacisci id voluerit, sive rem arbitrio alieno permittere. Vondelius2 forte et Costerus3 tales monstrare aliquos possent.

Ratisbonae metuimus: non tamen in praesens. Legatus Pavo4 his diebus misit aliquoties, ut me conveniret; tempore indicato advenit nec ego mutuo deero officio.

Parentibus clementem opto senectutem, uxori tuae5 et liberis amicisque res prosperas.

Scribebam 14/24 Iulii 1634, Francofurti.

Tuus tui merito amantissimus frater
H. Grotius.