1957. 1634 oktober 7. Aan Willem de Groot1.

Scribo has, mi frater, Moguntiaco, ubi nos Rhenus a Caesarianis copiis defendit. Speramus Gallica ope res in melius ituras.

Nos recte valemus accincti itineri, quo nos ire magnus cancellarius2 jusserit. His diebus pransus sum apud ipsum una cum Crafto comite Hohenloio3, qui et ipse patris4 et actionis suae in Brabantos meminerat. Qua de re rogatus non habebam, quod responderem, adeo parum ejus rei noveram.

Uxor, filiae5, filius6 mecum, parentes, te, tuam7 tuos nostrosque omnes salutant.

Magontiaci, 7 Octobris 1634.

Tui amantissimus
H. Grotius.