Search
Add panel
[tiler debug info]
Choose a letter
Cum te jam Hagam rediisse suspicer, omittere non potui, quin pro rerum
26
novarum nuntiis, quibus vos jam propiores estis, edictum2 mitterem, quo rex3 orbi Christiano causas indicat motorum in Hispanos armorum tam multas ac graves, ut etiamsi Trevirensem4 jam libertati reddere velit Hispanus5, in quod laborant pontificis nuntii6, superfutura sint satis multa, quae juris colorem allinant prosperis adeo per Belgicum solum progressibus.Classis Hispani, quae in ora Italica steterat, damni quidem nonnihil a tempestatibus pertulit, non tamen famam re aequante; et sunt, qui conspectam dicunt non longe a Provinciae littoribus. In Italia quies adhuc extra Vallem Telinam, quanquam arma circum se habentibus principibus ferme omnibus intentis, quo res sit casura.
Rex Monticellis ad Fanum Germani venturus putatur benigniore ibi caelo quam ad Fontem Bellaqueum. Cardinalis7 Ruellis est valetudine non tam prospera quam nos omnes optare par est. Sed is est morbus, qui incommodi plus adferat quam periculi.
Captus in Burgundia nuper Vicupontius8, consiliorum matris regiae9 fratrisque10 conscius pridem, huc perductus est, ut creditur, index futurus rerum Puylaurentio11 exitialium, qui in morbum incidit, incertum an ex eo metu. Rumorem heic sparsum de matris regiae ac Margaritae Lotharingae12 in Angliam receptu verum non arbitror; ab eo regno qui heic rebus praesunt neque boni neque mali quicquam exspectant.
Deus te, Illustrissime Domine, florentem servet sum tuis omnibus.
Tuae Illustrissimae Dominationi observantissimus
H. Grotius.
Lutetiae, 15 Iunii novi calendarii 1635.
Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.
