eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2378. 1635 december 6. Aan Christina van Zweden1.

    Serenissima ac Potentissima Regina, Domina Clementissima,

    Hyems non solet magna parturire, et exigua ad tantam Majestatem perferre non audeo.

    Contra multos malos nuntios infidae societatis Germanicae habemus aliquid solatii in regis Galliae2 constantia, qui et apud Lotharingiam res, quantum potest, Lafortianis3 et Valettanis4 copiis sustentat, et ducis Bernhardi5 militi annua de suo stipendia pollicetur.

    Dolorem, quem trans Alpes, male fortunata, ut multis videtur, et male consulta Valentiae obsidione cepimus, solatur Rohanii ducis6 victoria de Caesarianis7, qui ex Tirolensi agro trans Bormium per Vallem Frelam conabantur in Volturenam irrumpere. 14/24 Octobris fusus hostium equitatus; peditum plus mille caesi, simulque disturbati Hispanorum conatus ex agro Mediolanensi in easdem partes viam apud Sondrium sibi promittentium.

    374

    Accedit et aliud gaudium, e solo Lotharingico retro in Treviros coactus cedere dux Carolus8 et propius Rhenum se recipere Galassius9.

    De pace communi spes quidem nonnulla, sed satis longinqua est nec desinit Anglia instare, ut, si fiat, exutae domus Palatinae habeatur ratio.

    Conjugium inter Poloniae regem10 cum Palatinae domus virgine11, sicut jam magis magisque futurum creditur, ita ut, quid eo petatur, quo spectet res, hominum talia dijudicare peritorum variis sermonibus agitatur.

    Et hoc et alia omnia, Serenissima ac potentissima Regina, Domina Clementissima, ut in bonum Majestatis Tuae vertat, Deum serio precor.

    Tuae sacratissimae Majestatis obedientissimus subditus
    H. Grotius.

    Lutetiae, 6 Decemb. novi cal. 1635.
    Notes



    1 - Gedrukt Epist., p. 198.
    2 - Lodewijk XIII.
    3 - Jacques Nompar de Caumont, markies van La Force.
    4 - Louis de Nogaret d'Epernon de La Valette.
    5 - Bernhard, hertog van Saksen-Weimar.
    6 - Henri, hertog van Rohan; hij opereerde succesvol in de Veltlin.
    7 - De troepen van Ferdinand II.
    8 - Karel IV, hertog van Lotharingen.
    9 - Matthias, graaf Gallas, bevelhebber van Ferdinand II.
    10 - Wladislas VII (IV).
    11 - Elisabeth, dochter van de in 1632 overleden Frederik V, keurvorst van de Palts, en Elisabeth Stuart, dochter van Jacobus I van Engeland; het huwelijk vond geen doorgang.