eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2522. 1636 maart 20. Aan P. Schmalz1.

    Nobilisime Domine,

    Post ea, quae scripsi ante octo hos dies2, nihil habemus dignum nunciatu, nisi quod dux Bernhardus3 gratus regi4 proceribusque legatos resalutans, fidem suam in bonum publicum ac res maxime Suedicas, quantis potuit maximis indiciis, testatus est.

    Cum eo nunc rex et proceres ad Sancti Germani fanum consilia ineunt, quibus bellum procul Gallico fine in hosticum inferatur intenta maxime in Italiam cura, ubi nuper Pralinus5, Gallico more in pericula audentius quam prudentius se ingerens, a Leganesio6 multo7 validiore circumventus inclususque clade affectus

    45

    ac quominus ipse cum militibus, quos habebat octingentos, interiret, Crequiaci8 adventantis fama supra verum copias ejus attollente servatus fuit novo super tot vetera documento temperandos consiliis fortes animos.

    Campaniam adhuc bene tuetur comes Suessionensis9. Ad Picardiae finem mittitur Castilionaeus10.

    Tabernas Alsatiae fame ac pestilentia cogente a Gallasio11 derelictas fama intelligimus. Ego, ex quo ad oram maritimam maris Balthici est magnus cancellarius12, desii ad reginam13 scribere, quia14 intelligerem omnia multo defaecatius per ipsum D.M. cancellarium ejus Majestati significari posse. Nunc ducis Bernhardi rogata omittere non potui, quin ejus obsequia ipsa nota facerem. Id argumentum est litterarum, quas mitto.

    Vale, vir nobilissime.

    Tuae Nobilitati addictissimus
    H. Grotius.

    10/20 Martii 1636, Lutetiae.

    Adres: A Monsieur Monsieur Schmalchius, Secrétaire de Monseigneur le Grand Chancelier de Suède.

    Met andere hand: Praesent, Stasfurt, die 17 Augusti 1635.
    Notes



    1 - Hs. Stockholm, RA. Vanaf ‘Ego, ex quo’ eigenh. oorspr. Gedrukt Ep. ex Mus. Meerm., p. 36; Oxenst. Skrifter 2. afd. IV, p. 575. Geadresseerde, Peter Abel Schmalz, was secretaris van de Zweedse rijkskanselier Axel Oxenstierna.
    2 - Ontbreekt.
    3 - Bernhard, hertog van Saksen-Weimar.
    4 - Lodewijk XIII van Frankrijk.
    5 - César, hertog van Choiseul, graaf Du Plessis-Praslin; zie over hem no. 2517, p. 38 en n. 5 aldaar.
    6 - Diego Mexia Felipes de Guzmán, markies van Leganés, Spaans gouverneur van Milaan.
    7 - De editie der Epist. Meerm. heeft ‘milite’.
    8 - Charles Créquy de Blanchefort de Canaples.
    9 - Louis de Bourbon, graaf van Soissons.
    10 - Gaspard de Coligny, graaf van Châtillon.
    11 - Matthias, graaf Gallas, bevelhebber van Ferdinand II.
    12 - De Zweedse rijkskanselier Axel Oxenstierna.
    13 - Christina van Zweden.
    14 - De editie der Epist. Meerm. heeft ‘quum’.