eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3060. 1637 mei 7. Aan S. Bielke1.

    Illustrissime Domine,

    Tempus hoc, sicuti nihildum certi parit, ita multarum magnarumque rerum exspectatione est gravidum arrectis omnium animis, quid Hamburgi aucturus sit Davausius2 et missurine eo sint et Angli, quae duo3 maxime Coloniense de pace colloquium quanquam pontifice4 impellente sufflaminant.

    Tunc vero de bellicis rebus spes ac metus. Metus, ne exacto jam V Maii die decessum sit castellis omnibus, quorum quaedam Leceus5, Gallorum tribunus, retinere velle dicebatur; sed pro suis pactis obses Rohanius6 Rhaetorum magna in hoc negotio concordia et ad Colicum montem imminens, si pacta non impleantur, Cerbellonus7 ipsaque hic Rohanii uxor8 res conclamatas testificans faciunt procliviorem ad sinistra suspicionem. Accedunt magnae imperatoris9 copiae ad Rhenum et ad Brigantinum maxime lacum, in Suevis, apud Ulmam, alibi, novique per Stiriam et vicina dilectus.

    Contra haec in spem nos erigunt res prosperae in insula Margaritae, ubi maximum castellorum a Gallis tormentis supra XXX verberatur; magni paratus regis10 eunte in comitatum Burgundiae adversus crescentes ibi hostes principe Condaeo11, in Picardiam Vallettis duobus, duce12 ac cardinali13; duce autem

    270

    Bernhardo14 cum florentissimis, ut ait, copiis et suis et sub Haillerio15 Gallicis eo, quo ipse expedire judicaverit, liberrima instructus potestate.

    Resurgunt sermones de Poloni16 cum Austriaca17 matrimonio et qui ista18 scire se affirmant, ajunt compertum illis, qui sub Warfusaeo19 fuere, non militibus dicam sed latronibus, etiam in necem principis Arausionensis20 sumpta fuisse consilia; quod si est, magna satis causa ei principi videtur esse, cur apertum bellum malit quam insidiosam pacem.

    Gothofredus21, amicus noster communis, in menses aliquot hic retinetur, donec maturescat pacis negotium. Video in eo rem esse, ut aliquid cum Anglis constituatur; quod quale sit futurum, multum etiam nostra refert.

    Haec nunc erant, non multa neque magna, sed talia tamen, quae scire quam ignorare sit satius.

    Deus te, Illustrissime Domine, cum familia sospitet.

    Illustrissimae Dominationi Tuae omni cultu addictissimus
    H. Grotius.

    Lutetiae, 7 Maii novi Calend. A. MDCXXXVII.
    Notes



    1 - Gedrukt Epist., p. 325. Gelijkluidend aan no. 3061 aan L. Camerarius, waarvan wij een copie bezitten in de UB., Uppsala, cod. 388a, ep. 74. De verschillen die de uitgave der Epist. vertoont t.o.v. dit afschrift worden hier reeds gesignaleerd. Betreffende Sten Bielke zie men no. 2945, p. 67 n. 7.
    2 - Claude de Mesmes, graaf van Avaux.
    3 - John Scudamore en Robert Sidney, graaf van Leicester, resp. ordinarius en extra-ordinarius Engels gezant te Parijs.
    4 - Urbanus VIII.
    5 - Henri de Chaumont, baron de Lecques (1594-1678).
    6 - Henri, hertog van Rohan.
    7 - Johann, graaf van Cerbellon -Giovanni, graaf Serbelloni-.
    8 - Marguerite de Béthune, hertogin van Rohan (1595-1660).
    9 - Ferdinand III.
    10 - Lodewijk XIII van Frankrijk.
    11 - Henri de Bourbon, prins van Condé.
    12 - Met de hertog van La Valette wordt gewoonlijk Bernard de Nogaret d'Epernon, hertog van La Valette bedoeld. Hier betreft het echter Henri de Nogaret de Foix de La Valette, hertog van Candale (1591-1639). Vgl. de brief aan Oxenstierna dd. 25 juni 1637, no. 3132, p. 370 n. 5, waar Grotius kennelijk doelt op een misvatting.
    13 - Louis de Nogaret d'Epernon de La Valette.
    14 - Bernhard, hertog van Saksen-Weimar.
    15 - François de l'Hospital, sieur du Hallier.
    16 - Wladislas VII (IV).
    17 - Cecilia Renata, dochter van de op 15 februari 1637 overleden keizer Ferdinand II.
    18 - Dit woord ontbreekt in de copie te Uppsala.
    19 - René de Renesse, graaf van Warfusée.
    20 - Frederik Hendrik.
    21 - Théodore Godefroy.