Search
Add panel
[tiler debug info]
Choose a letter
Praestantissime Domine,
Ex literis 19/29 Augusti tuis2 video etiamnum esse te Holmiae. Felix tibi in
633
Germaniam iter, quandocumque id futurum est, et negotiorum prosperos exitus opto.Beneficium, nobilitatis in Graswinckelio3 non male collatum est. Ostendit is, quid possit, erudito pro Venetis libro4, et nunc in controversia, quam de mari movet Anglia se exercet5; neque vero dubito, quin eo quoque in argumento famam faventem sit habiturus; novi enim eum pridem interiore amicitia, heic Lutetiae cum viveret.
D. Buckhorstius6, quem Nortvicensem vocant, affinitate quadam mihi conjunctus est neque nescio multum eum posse in patria sua atque adjutorem eum fuisse ad res Suedas promovendas; quo magis gaudeo ipsum quoque exemplo fore non esse ingratam in bene merentes Suediam.
De filio meo7 id placet, quod tandem exuturus est otium: dabo enim operam, ne veterno deterior fiat, quantum potero. Non enim semper talia sunt in nostra potestate. Tibi, quod ei te beneficum praebuisti, gratias ago maximas.
Blondio8 bene esse gratulor. In Anglia velim esse aliquem Latinae linguae et rerum civilium ac sacrorum bene peritum.
Res Germanicas D. Salvii9 diligentia ac comitate discere me gaudeo. De Sigismundo10 nihil boni spero; Rorteius11, quid adferat - vidit is me abiens - operae pretium erit cognoscere.
Rex Polonus12 nihil pro nobis, ita credo, facturus est boni, nisi quod operose semet commendando iis, quos cepit affines, Polonos ipsos sibi facturus est per suspicionem infidos.
Dux Longavillanus13 uxore amissa14 vacuus matrimonii D. Combalettae15 maritus per rumores datur. Regina16 regi17 conciliata est; manet tamen ὕπουλον18 aliquid.
Dux Rohanius19 Genevae haeret neque se audet huic aulae credere sua peccata ipsius per infamiam expiare quaerentis.
634
Romae quiescitur pontifice20 longius quam Hispani speraverant vivente: ea causa est, cur eques conscriptus in spem romanarum rerum in regno Neapolitano missus sit Mediolanum.
Non repeto quae ad magnum D. cancellarium21 scribo22.
Literae omnes, mihi quas miseras, bene curatae sunt; pariter et quas missurus es, curabuntur.
Vale.
9 Octobris novi calendarii anni 1637 Lutetiae.
Tuae Claritudini addictissimus
H. Grotius.
Pro D. Deodato23 quod laborasti feliciter rem te ipsoque dignam fecisti. Rogo, ut solidum in beneficium obtineat pro retensorio, quod aequum putabitis.
Rex heri mihi per admissionalem jussit significari victoriam ad Leucatam24.
Adres: Monsieur Monsieur Schmalzius, secrétaire de Monseigneur le grand chancellier de Suède. A Stockholm, ou là où il sera.
Met andere hand: Hamburgi, die 13/23 Octobris 1637.
