eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3319. 1637 oktober 31. Aan L. Camerarius1.

    Illustrissime Domine,

    Iniere Dampvilleriam Galli XXVII mensis hujus ex novo calendario, cum pridie CCC Cantelmianorum2 militum castra sua adortos cecidissent. Urgebimus nunc, ut impleantur ea, quae in hunc eventum rex3 nobis de mittendo ad ducem Bernhardum4 milite promiserat. Nam hucusque tenues sunt, quae ad eum venere, copiae, ut mihi scribit, ibi qui militat, ryngravius5.

    De Hanovia melius sperare incipio, quando qui hic ejus urbis res agit6 comitem7 abrupisse cogitationes itineris illuc narrat et rex XX millia Florenorum comiti, totidem pro factis impendiis Raamseio8 neque minus militi mittit.

    Cardinalem Hispanum9 auctum intelligimus MM Croatis et equitatu aliquo. Sed neque illi neque Gallis quicquam moliendi tempus indulgebit annus.

    Vitriacus10, Provinciae praefectus, in carcerem Bastiliae datus est. Haec illum poena sequitur ob pulsatum archiepiscopum Burdigalensem11, quae res ad injuriam ecclesiae pertinere creditur. Reginae matri12 in multis adversis aliquid

    680

    feret solatii veteris inimici calamitas. In Espernonium13 manent offensae, tanquam is in Aquitania illa, quae Hispaniam attingit, bellum malit quam victoriam hostisque possessionem firmet dissimulando.

    At Chevreusii uxor14 non satis tutam se sub regis imperio putans relicto Benearno intra Hispaniae fines concessit.

    Pugnae aliquae factae in Comitatu Burgundiae et signa quaedam capta hostium.

    Her imagno cum honore celebrata justa et laudes praedicatae ducis victoris Sabaudi15, cujus frater cardinalis16 palam sibi partem tutelae deberi vulgat.

    In Portugallia motus esse aliqui nuntiantur et rex Galliae, quo hostium mala et questus plebis intendat, vetuit ex maritimis regni sui provinciis cannabim aut cannabinas telas exportari, sine quibus naves instruere Hispani nequeunt. Sed Gallicorum praefectorum avaritia metuere nos facit ne17 satis serventur talia edicta.

    His addo vota Illustrissime Domine pro te familiaque.

    Excellentiae Vestrae addictissimus ejusque observantissimus
    H. Grotius.

    Lutetiae, XXI/XXXI Octobr. MDCXXXVII.

    Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

    Boven aan de brief in de copie te Uppsala in margine: Redd. 8 octob. (sic) st. n. A.o 1637.
    Notes



    1 - Copie Uppsala, UB., cod. 388a, ep. 99. Gedrukt Epist., p. 374. Ludwig Camerarius was Zweeds gezant in Den Haag.
    2 - Andrea Cantelmo (1598-1645), gouverneur van Luxemburg.
    3 - Lodewijk XIII van Frankrijk.
    4 - Bernhard, hertog van Saksen-Weimar.
    5 - Rijngraaf Johann Philipp.
    6 - Niet geïdentificeerd.
    7 - Philipp Moritz, graaf van Hanau-Münzenberg.
    8 - James (Jacob) Ramsay, gouverneur van Hanau; voor Grotius' spelling van zijn naam zie men no. 3181, p. 451 n. 7.
    9 - De kardinaal-infant Don Fernando.
    10 - Nicolas de l'Hospital, markies van Vitry.
    11 - Henri d'Escoubleau de Sourdis.
    12 - Maria de Medici; zij verbleef in de Spaanse Nederlanden.
    13 - Jean Louis de Nogaret de La Valette, hertog van Epernon.
    14 - Marie de Rohan, gehuwd met Claude de Lorraine, hertog van Chevreuse.
    15 - Vittorio Amedeo, gestorven op 7 oktober 1637. Voor een beschrijving van de plechtigheden zie men de Gazette de France dd. 3 november 1637, no. 173, p. 701. Volgens Grotius zouden deze op 30 oktober plaats gevonden hebben. De Gazette vermeldt evenwel als datum 29 oktober 1637.
    16 - Maurizio van Savoye.
    17 - Dit woord ontbreekt in de copie te Uppsala.