Vincentio Fabricio2 per Angliam in Gallias tendente una cum adolescente patricio Hamburgensi3, cuius studiis praeest, facile perspexi vix duos intra menses meas tibi reddi posse literas. Nolui tamen eum sine illis dimittere, praesertim eum ipse urgeret, ut saltem minutum aliquid exararem et istiusmodi, ubi in mora nihil foret periculi. Eo autem lubentius morem gessi, quia amarem juvenem ob animi candorem et egregiam doctrinam, quam ex poematis ejus4 et fortasse etiam literis, jam videris. Simul illud etiam, quam me omni officiorum genere sibi demerendum putarit. Equidem et ipse etiam, siqua possim, ei bene faxim lubens. Sed nunc non alio gratificari poteram quam paucula ad te scribendo. Caeterum intra paucos dies de aliis fusius tecum loquar5, et quae magis ad nos pertineant.

Nunc illud cum dolore referam utriusque nostri amantissimum Joannem Meursium6 - quemadmodum ejus collega Sora Danorum7 ad me perscripsit - graviter adeo morbo decumbere, ut jam medici desperare incipiant. Scis calculo semper fuisse vexatum. Nunc vero etiam urinam emittit plane purulentam, ulceris in renibus, vel vesica, indicem.

Ita paullatim imminuitur numerus eorum, qui literas colunt. Quando me quoque imperator meus arcessere hinc velit, scis me scire juxta cum ignarissimis. Sed tamen minime terret annus quem jam ingressus sum, climactericus8. Puto

256

nec christiano homine indignum esse illud Bilbilici vatis9, summum nec metuas diem nec optem. Ego vero etiam optarem, nisi cura meorum tangeret et voluptatis non parum caperem ex eo, quod mihi videar de plurimis bene mereri. Hoc ut quodammodo divinum videtur, ita divini plane beneficii esse agnosco.

Omnis mea domus te, heroinam lectissimam uxorem tuam et liberos plurima salute impertit. Amstelodami, MDCXXXIX. XVIII Kal. Mai, quo die desitae legis servantes Judaeos Amstelodami video celebrare primum azymorum10.

Tuus aeternum
G.J. Vossius.

Adres: Illustrissimo viro Hugoni Grotio, Regni, Suecici ad regem Christianissimum legato, Lutetiam Parisiorum.

In dorso schreef Grotius: 12 Aprilis 1639, Vossius.

Notes

1 - Hs. Leiden, UB., coll. Pap. 2. Eigenh. oorspr. Gedrukt G.J. Vossii Epist., p. 368; Voss. Op. Epist., p. 257.

2 - Vincent Fabricius († 1667).

3 - Barthold Wichman.

4 - Voor de titel van dit werk zie men no. 3908, p. 1 n. 1.

5 - Het eerstvolgende schrijven van Vossius aan Grotius - voor zover bekend - is van 4 juni (no. 4147).

6 - Johannes Meursius, hoogleraar in de geschiedenis en staatkunde te Sorø in Denemarken. Hij stierf op 20 september 1639.

7 - Stephanus Johannis Stephanius (1599-1650), filoloog en historicus. Voor zijn brief aan Vossius zie men G.J. Vossii Epist., f. 202v. Ook in brief no. 4147, p. 381 vermeldt Vossius dit feit.

8 - De leeftijd van 63 (= 9 x 7) jaar werd door de humanisten als het groot climaeterium, i.e. een bij uitstek kritieke leeftijd beschouwd; zie Grotius' Mirabilia vs. 15-16: ostendent Medici novies quid septimus annus // Afferat (ed. Meulenbroek 2 1A, p. 145 en noot (id., dl. 2 1B, p. 110). Zie ook Vossius' brief van 4 juni (no. 4147).

9 - De dichter Martialis, afkomstig uit de Spaanse stad Bilbilis. Het citaat is Epigr. 10. 47.13: summum nec metuas diem nec optes.

10 - De feestdag van het ongedesemd brood.

Searchform

Fulltext search

Metadata search

Search domain

4065. 1639 april 14. Van G.J. Vossius1.