eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5445. 1641 oktober 30. Van Christina van Zweden.1

    Christina, Dei gratia Suecorum, Gothorum Wandalorumque designata regina et princeps haereditaria, magna princeps Finlandiae, dux Esthoniae et Careliae Ingriaeque domina etc. Gratiam et favorem nostrum singularem.

    Nobilis ac magnifice nobis sincere fidelis,

    Cum finis belli pax sit, invitatae autem ab electoribus, principibus ac statibus Romani imperii simus ad maturationem tractatuum pacificatoriorum nobisque innotuit tum per christianissimi regis hic residentem,2 tum per dominum Salvium,3 qui hoc a comite Davausio4 accepit, eius Serenitatem alienam ab eodum negocio maturando non esse, icciro expedivimus hisce diebus in Germaniam nostrum regnique nostri senatorem, dominum Iohannem Oxenstierna[m], ipsique mandavimus cum dictis domino Salvio et comite Davausio diligenter communicaret de omnibus, quae noverit conducere promotioni ac maturationi tractatuum. Et postquam de praeliminaribus singulis plene conventum Hamburgi inter dictos et caesareum5 inibi legatos

    603

    fuerit, is cum caeteris illi adiunctis, domino Thurone Bielkio,6 regni senatore, et domino Salvio, aulae cancellario, praesto sit, qui ad locum conventum se citius recipiat. Hoc ipsum cum propriis literis nostris iam regi significaverimus, ut vides ex earundem apographo.7

    Te clementer requirimus, ut dictas literas eius Serenitati offeras et simul tam salutaria nostra destinata qua polles industria enarres nec non maturationem tanti negotii apud eius Serenitatem urgeas.

    Atque hisce te Deo gratiose commendamus.

    Sac[r]ae r[egiae] Maiestatis regnique Sueciae
    respective tutores et administratores
    Matthias Soop mp., loco r.S. archidapiferi
    Iacobus de la Gardie, r.S. marschallus mp.
    Carolus Gylldenhielm, regni S. ammiralius mp.
    Axelius Oxenstierna, r.S. cancellarius mp.
    Achatius Axelii, loco r.S. tesaurari[i].

    Dabantur in regia nostra Stocholmensi, die 20 Octobris anno 1641.

    Adres: Nobili et magnifico nobis sincere fideli, nostro apud christianissimum Galliarum regem legato ordinario, domino Hugoni Grotio.

    Op de verso-zijde van het adres staat: Grotius.

    In dorso schreef Grotius: 20 Oct. 1641 regentes.
    Notes



    1 - Hs. Den Haag, ARA. Eerste afd., coll. Hugo de Gr. Aanw. 1911 XXIII no. 6, 4-5. Oorspr. Eigenh. ondertek. door de rijksregenten of hun plaatsvervangers. Copie Den Haag, ARA, ibid. no. 5. Beantw. dd. 8 januari 1642 (dl. XIII).
    2 - De Franse diplomaat Claude de Salles, baron van Rorté (†1648). Hij vervulde vanaf 1633 diverse missies in Duitsland, Polen en Zweden; tussen 1637 en 1643 is hij steeds aangeduid als Frans resident te Stockholm, hoewel hij daar niet permanent verbleef. Vgl. F.U. Wrangel, Liste, p. 20v.
    3 - Johan Adler Salvius (no. 5001 n. 1).
    4 - Claude de Mesmes, graaf van Avaux (no. 5001 n. 7).
    5 - Konrad von Lützow (no. 5080 n. 3). Op 15/25 december 1641 werd tussen de partijen te Hamburg een preliminair verdrag gesloten; zie Du Mont, Corps dipl. t. VI. I, p. 231vv.; Aitzema, II (f.o), p. 759v.
    6 - Ture Nilsson Bielke (no. 5080 n. 4); hij nam tenslotte niet aan de ambassade deel.
    7 - Bijlage no. 38.