5469. 1641 november 16. Aan J.A. Salvius.1

Illustrissime domine,

Accepi ab Heufdio2 quater mille thaleros imperiales deque iis apocham D. Heufdio dedi. Eam quantitatem rogo Excellentia vestra velit in solutum imputari in id, quod rex Galliae mense Decembri regno Suediae ex federe debebit. Ego vicissim eam accepto feram in salarium semestre, quod mihi eodem mense debebitur a regno Suediae.3 Omnium rerum pretia tot novis oneribus hic plus tertia parte creverunt. Ad id si accederet solutionis dilatio, par oneri non essem. Ego Excellentiae vestrae in me bonitatem saepissime expertus ad eam non necessario tantum, sed et libenter confugio Deumque precor, ut diu ei et per eam Suediae ipsi res prosperas largiatur.

Exc. vestrae omni observantia et obsequio addictissimus
H. Grotius.

Lutetiae, 6/16 Novembris 1641.