Search
Add panel
[tiler debug info]
Choose a letter
Monsieur,
J'ay eu advis de monsieur Snoilsky2 qu'il a obtenu chez monsieur le mareschal Torstensohn
16
tout ce que le duc de Baviere avoit demandé à l'instance de l'empereur en faveur de ses officiers prisoniers, dont les certificats ont desja esté envoyez à Vienne par le comte de Boucheim, lequel y a le plus grand interest. Toutes les conditions que ces messieurs-là avoyent demandé à monsieur le mareschal Horn estants donc accomplies, l'on ne se doit attendre dudit duc de Bavieres un jour à autre, sinon qu'il nous offre mondit seigneur le mareschal Horn proche de Strasbourg pour l'y changer contre monsieur de Wert.Mais vostre Exc. sçachant que messieurs les gouverneurs de Brisach3 n'y oseroyent point condescendre sans les ordres du roy expres, j'ay trouvé tres necessaire de reiterer toutes les tres humbles requestes que j'en ay fait à vostre Exc.,4 la suppliant tres affectueusement que s'il est possible d'obtenir tel mandement à monsieur d'Erlach, on le luy envoye au plustost et que nous en puissions avoir une copie.
Vostre Exc. en sçayt l'importance de beaucoup mieux que moy. C'est pourquoy ne l'en voulant point importuner davantage, je finiray la presente par mes tres humbles baisemains, comme estant, monsieur,
de vostre Exc. le plus humble et tres obeissant serviteur,
Mockhel m.p.
De Benfeld, ce 7 de Janvier 1642.
Adres: A son Excellence, monsieur/monsieur de Groot, conseillier d'Estat de sa Majesté la roine de Suede et ambassadeur ordinaire en la court du roy tres chrestien, à Paris.
In dorso schreef Grotius: 7 Ian. 1642 Mokel.
