eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    74

    6073. 1643 februari 7. Aan Christina van Zweden.1

    Serenissima ac potentissima regina, domina clementissima,

    Die Dominico exacto proxime2 literas augustae Maiestatis tuae scriptas XXIX [Novembris/IX] Decembris3 regi tradidi locutusque sum eis literis congruentia de prosperis tuae Maiestatis regisque ipsius cum votis quae talibus addi solent. Cum gaudio rex intellexit propositum esse Maiestatis tuae transferre arma in terras proprias Austriacae domus. Sed ad id quod addidi, ex re fore communi si eodem tempore Gallica arma in Franconiam atque inde in Superiorem Palatinatum transferrentur, nihil proprie respondit, sed generatim affirmavit se, donec pax haberi honesta possit, in bello perstiturum fortiter, et in utraque re se probaturum et fidem suam et benevolentiam erga tuam Maiestatem.

    Verum interim audimus regis copias ex Franconia retrocedere Brisacum versus,4 qua de re conveni et regis ministros, sed nihil intellexi certius. Gaudeo autem in hoc tempore difficillimarum deliberationum multos hic esse Suedos illustres ac nobiles, qui non minus quam ego intelligere possint quae hic aguntur dicunturque.5

    Deus, serenissima ac potentissima regina, domina clementissima, det Maiestati tuae optima omnia,

    augustae Maiestati tuae obedientissimus subditus,
    H. Grotius.

    Lutetiae, XXIX [sic] Ianuarii/VII Februarii 1643.

    Bovenaan de brief in de eerste copie te Leipzig: Argumentum. Idem colloquium cum rege habitum reginae exponit.
    Notes



    1 - Copie Dresden, Sächs. Landesbibl., C 61, 123. Gedrukt Epist. ad domum Sueciae, p. 5 no. 8. Afschriften ook in copieboek Leipzig, UB, ms. 2633, f. 26 en f. 460.
    2 - Op zondag 1 februari begaf Grotius zich naar het koninklijke paleis te Saint-Germain-en-Laye.
    3 - Brief no. 5991, dd. 29 november/9 december 1642 (dl. XIII).
    4 - Volgens de laatste berichten naderde een voorhoede van het Frans-Weimarse leger de stad Offenburg (Gazette 1643, no. 19, dd. 14 februari 1643).
    5 - Deze winter liet Grotius enkele Zweedse edellieden kennis maken met het Parijse hofleven. Zijn meest leergierige ‘tourist’ was Magnus Gabriel De la Gardie, zoon van rijksmaarschalk Jacob Pontusson De la Gardie; vgl. nos. 5773 (dl. XIII) en 6059.