478. 1616 Oct. 8. Van J.I. Pontanus1.

S.P. Non dubitabam, Groti humanissime, quin adesses hoc tempore in conventu Hollandiae. Qua propter misi Hagam ad aedes avunculi mei, consiliarii Zuerii2, Origines has nostras3, quo tibi certo traderentur. Rogoque ut aequi consulas, et otium aliquod, si quod tibi a gravioribus occupationibus superest, iis inspiciendis impartias, nosque hoc pacto tuo vel assensu vel censura iuves erudiasque. Vale, raptim Amstelodami, quo negotii causa excurreram, a.d. VIII Octob. CIƆIƆCXVI.

T. Iohannes Isacius Pontanus.