3938. 1639 januari 22. Aan Christina van Zweden1.

Serenissima ac potentissima regina, domina clementissima,

Accepi his diebus exemplum literarum Augustae majestatis tuae tum ad me2, tum ad regem3, plane quales jampridem acceperam, quarumque imperium regi ob nomen patris adeptum4 gratulatus impleveram. Quare non existimavi adeundum mihi rursus regem, sed literas has, quarum pares jam diu est quod rex habet, apud me detinui.

Valent bene et rex et regina5 et puer regius, qui nunc lactet quam antehac melius expeditiusque.

Consilia et res magnae in ver differentur, quod ut felix fortunatumque sit Majestati tuae ejusque sociis, serenissima et potentissima regina, domina clementissima, Deum supplex veneror.

Augustae majestatis tuae obedientissimus subditus
H. Grotius.

Lutetiae, 12/22 Ianuarii anni 1639.