4016. 1639 maart 14. Van Willem de Groot1.

Frater optime,

Scribo aliquoties per amicos, qui me rogant, ut litteris ad te meis aditum ad familiaritatem tuam patefaciam2, quare aliquando per nuntios ordinarios scribere intermitto.

Nunc hoc tantum dicam satis prospere mecum hac septimana actum, quem epistola ad id missa Societas Indicana Orientalis in locum demortui Sorgii3 advocatum suum in hac curia suffecit; quod quanquam non magni momenti est, eo tamen mihi gloriosius accidit, quod posthabito multorum ambitu irrequisiti me legerunt neque amplius praestare Graswinkelio4 potuit socer Lonius5. Subscripsit epistolae Teulingius6, vir bene de republica meritus, cujus filius7 advocatus mihi filioque tuo8 familiaris propediem ad vos veniet, quem ut amare digneris, obnixe rogo.

169

Negotia publica quod attinet, ea, ut solent, lente procedunt. Princeps9 duo castella ad muniendam Bredam extrui curat eamque in rem tria militum millia illuc praemisit, ut praesidio sint vallum structuris.

Amstelodamenses in comitiis Ordinum legi fecerunt responsum suum ad postulata nomine faederatorum sibi insolito hactenus exemplo facta; id responsum plerisque civitatibus placet, sed interea foederati operam dabunt, ut concordiam et consensum hac in parte hujus provintiae turbent. Princeps aegre fert eos, qui suo quoque nomine venerant, eo pacto repulsos fuisse; derivant aulici invidiam in Oetgesium10 aliosque.

Inter Hollandiam et Selandiam de summi senatus praeside et graphiario lites nondum componuntur, quia conditionibus non iniquis a Selandis oblatis assensum sinum accommodare nolunt Lugdunenses et Medemelacenses neque suffragiis se vinci pati volunt.

Camerarius junior11 cum apud Spiringium12 nuper queretur, de non soluta, quam ex mandato cancellarii13 accipere debebat, pecunia et potestationem se interpositurum super ea re diceret, ipse illi bis terve alapam interminatus est, nisi alter, non sine testatione animi exulcerati, e domo excessisset.

Vale, frater optime, et nos ama.

Tibi obsequentissimus frater
Guilielmus Grotius.

Hagae, XIV Martij 1639.

In margine staat: Architalassus noster14 cum aliquot navibus hodie petiit Oceanum Dunkerkanorum destinationi occursurus.

Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris.

In dorso schreef Grotius: 14 Martii 1639 W. de Groot.

En boven aan de brief: rec. 22 Martij.