4087. 1639 april 30. Aan M. Bernegger1.

Vir doctissime,

Venit ad vos, sed ut magna interdum sidera faciunt, luminis sui fulgorem abscondens, princeps Gustavus2 e domo Palatina, familia Bipontina excellentissimi et illustrissimi ducis Iohannis Casimiri3 filius natu maximus, materno sanguine regio et reginae nostrae4 proximus. Peregrinatur ad mercatum sapientiae. Eius mercis pretium est labor et iusta virorum talium, quales sunt Berneggerus5 et Frinshemius6, aestimatio. Neque vobis melius ostendere potui, quanti vos facerem, quam commendando vobis tantum principem, neque ipsi principi utilius praestare officium quam ei monstrando, per quos proficere plurimum possit.

Valete, vir eximii. Ero semper.

Vestrae eruditionis praedicator
H. Grotius.

Fine Aprilis MDCXXXIX, Lutetiae.