658

4329. 1639 oktober 8. Aan Isaac Vossius1.

Vir doctissime,

Pauci sunt dies, cum accepi exspectatum diu Scylacem2 legique, simul ut a librario redierat.

Mirarer diligentiam tuam, nisi scirem, cuius esses filius. Ab ita nato ita educato speranda omnia, quae ab aliis sperare non audeamus. Ita omnia converristi cum pulvisculo, ut operam lusuri sint, qui posthac aliquid ad illos geographos sunt conaturi.

Nescio felicioremne te tali parente3, an parentem talibus liberis dicam. Et ipsi et vobis gratulor faveoque et optem id ipsum rebus potius quam verbis ostendere.

Tuus optima fide
H. Grotius.

Lutetiae, VIII octobris MDCXXXIX.

Adres: Viro doctissimo Isaaco Vossio, viri summi Gerardi Vossii filio.