361

5827. 1642 augustus 9. Aan G. Horn.1

Monsieur,

Et moi et touts les miens, nous tenons obligez au plus haut degré à vostre Excellence de ce qu'elle nous conserve sa souvenance et faveurs; et pourtant ne desirons rien tant que de suppleer par de continuels services ce qui a manqué à la reception.2 Et suis tres aise de ce que messieurs les ambassadeurs de Suede et de France3 ont tesmoigné le deu respect envers les vertus eminentes et tres grands merites de vostre Excellence.

Le roi m'a faict sçavoir solennellement selon la coustume la mort de la reine sa mere, desirant que je me mette en deuil avecq mon train;4 ce que je vas faire, pour aprèz voir sa Majesté et entre autres la remercier de l'honneur qu'elle a faict à la reine et couronne de Suede en la personne de vostre Excellence, à laquelle je souhaitte un heureux voiage en Suede et un employ digne de ses qualitez, ce qui est fort desiré icy. Je ne mande pas des nouvelles à vostre Excellence, pour ce qu'il n'y en a gueres, et ce qu'il y en a, elle l'apprendra de monsieur le baron d'Oxenstiern, ambassadeur extraordinaire,5 et de monseigneur le grand chancellier.

Je demeure, monsieur,

de vostre Excellence le tres humble serviteur,
H. de Groot.

XXXI Iulii/IX Augusti 1642.

Adres: Au tres illustre seigneur, le seigneur Gustaf Horn, marescal des armées de la reine et couronne de Suede.

En in andere hand: Monsieur l'ambassadeur Grotius de Paris, du 31 Iulii/9 Aoust 1642.

Bovenaan de brief in de copie te Den Haag: Monsieur le marescal Horn.