5836. 1642 augustus 12. Aan C. Marin.1

Monsieur,

J'ay receu la vostre du 17 Juillet. Monsieur le marescal Horn est party de Hambourg vers Stetin et Stralsund pour voir monsieur le baron d'Oxenstiern2 et de là passer en Suede.

Je croy que nous aurons bientost nouvelles de noz dix milles hommes qui doibvent venir de Suede en Allemagne. Le marescal Torstenson, aprèz des grandes courses avoit assiegé Brin.3 Piccolomini, quittant ce desseing de reprendre Olmiz, va vers Brieg et on croit que le marescal Torstenson l'ira au-devant.4

De Perpignan nous sommes encore en incertitude,5 comme aussi de ce que voudra faire don Melos sur cette frontiere, ou le duc Charles en Alsace. L'accord entre Madame et les princes de Savoye court icy. Le roy faict imprimer ses raisons contre le duc de Boullon et les autres prisonniers d'Estat et les a donné pour juges quelques presidens et conseillers du parlement d'Aix, Toulouse, Grenoble, et du Conseil d'Estat. Je ne croy pas que la France consente

370

En Angleterre ceux du party du roy et du parlement viennent aux mains. Le roy blocque Hul. Et les Hollandais ont pris dix navires des marchands et un royal, qui portoient des vivres et autres choses à Dunquerque, sur quoy il y aura des plainctes, mais ils [ne] s'estonnent pas d'un peu de bruict et disent que les Anglois ont bien sou[f]vert que leurs navires qui alloient en France, fussent pris par les Espagnols,

le vostre.

A Paris, le 12 d'Aoust.

Bovenaan de copie staat: Monsieur Marini.