Letter

6159. [1643] april 4. Aan A. Oxenstierna.1

Excellentissime et illustrissime domine,

Dissimulare non possum multa esse quae me hoc tempore non patiantur esse extra

193

sollicitudinem. Dominus Chavigniacus se ad iter parat;2 vult comitem sibi ire dominum Gothofredum, eum qui hic vivit et historiae veteris novaeque peritissimus utilem regi praebet operam.3 At is se excusat, causamque amicis dixit, quod nolit misceri consiliis quae in fraudem foederatorum institui videt. Pater Angelus, qui patri Josepho quondam adiutor fuit,4 dixit fore ut exercitus regis protestantium sumtu vivant. Et certe Guebriani miles exhausit solum Wirtenbergicum.5 Mileraius autem, si dux Anguianus convaluerit ut Picardiae limiti praesidere possit, iturus in Treviros.6 Tum vero susurratur in Belgico confinio collocuturos cardinalem Mazarinum et Melonem, nempe ut clam alios suorum quieti consulant. Id quo rectius fiat, volunt Galli post diem quem Danus praefinit, tres sibi menses sumere ordinandis rebus suis. Vulgant iidem ad Guebriani exercitum mitti pecunias et supplementum ad sex millia, de quibus multi dubitant. De captivis mutandis convenit.

Est hic extraordinarius legatus ab Ethruriae duce ad iusta reginae matri peragenda. De Dertona res adhuc incertae. In Hispania vinculis exemti Medini-Sidonius et Ferrandinus, exercitus imperium Philippo Silvae datum. De Rosis in Catalania et de Motta Lotharingica rursum obsidenda7 sermones iactantur, sed incerti. Ab Helvetiis legatio hic exspectatur.

Deus has res omnes ad bonum dirigat et christiani orbis et privatim regni Suedici. Idemque, excellentissime et illustrissime domine, consilia Sublimitatis tuae prosperet,

Sublimitatis tuae cultor devotissimus,
H. Grotius.

Lutetiae, XXV‹I› Martii/IIII Aprilis [1643].

Decem naves longae cum militibus a Neapoli exspectantur; Mediolanum ibit is miles. Turca LX naves longas instruere scribitur. Super indutiis universalibus in Anglia haesitatur. Fiunt interim locales indutiae.

Adres: Excellentissimo illustrissimoque domino/domino Axelio Oxenstiernae, reginae regnique Suedici magno cancellario, senatori, armorumque per Suediam rectori summo, etc., libero baroni in Kymitho, etc.

Bovenaan de brief in de copie te Leipzig: Argumentum. Fraudes Gallorum suspicatur. Exercitus illorum sumtibus protestantium in Germania vivunt. Varia. Italica. Hispanica.

Navigation

Notes

1 - Hs. Stockholm, RA, E 607, Bref till A. Oxenstierna, Ser. B. Eigenh. oorspr. Gedrukt in Oxenst. Skrifter 2. afd., IV, p. 272 no. 474; in Meerman, Epist. (BG no. 1222), p. 45. Afschriften in copieboek Dresden, Sächs. Landesbibl., C 61, 261; in copieboek Leipzig, UB, ms. 2633, f. 45; in copieboek Linköping, Stifts- och Landsbibl., Br. 4b, 101, Br. 23, 22 en Br. 24, 46; en voorts te Hamburg, Staats- und Universitätsbibl., Sup. ep. Uffenbachii et Wolfiorum, 42, 24 en 4o 38, 12; te Hannover, Niedersächs. Landesbibl., ms. XII, 746, f. 15; te Kopenhagen, KB, coll. Thott, 504, 2o, p. 107.

2 - Staatssecretaris Léon le Bouthillier, graaf van Chavigny, zou deel uitmaken van de Franse delegatie naar Munster en Osnabrück. Velen beschouwden deze opdracht als een teken dat de staatssecretaris in ongenade was gevallen; vgl. Correspondance d'Estrades I, p. 161.

3 - Théodore Godefroy (1580-1649), jurist en verzamelaar van historische documenten, was al geruime tijd betrokken bij de redactie van de instructies voor de Franse gevolmachtigden ter vredesconferentie (DBF XVI, kol. 448-449, en Acta pacis Westphalicae; Instruktionen, p. 8-11).

4 - De capucijner geestelijke Ange de Mortagne (†1646) was tot 1638 een trouw vriend en secretaris van Richelieu's politieke genius François Joseph Le Clerc du Tremblay (le père Joseph) (DBF II, kol. 1048-1049).

5 - De uitputtingsslag van de Beierse en Frans-Weimarse legers in het Wurtembergerland.

6 - Onderstaande berichten komen ook voor in Grotius' nieuwsbrief aan Nicolaes van Reigersberch dd. 4 april 1643 (no. 6158).

7 - Het origineel geeft: ‘obsidentes’.

6159. [1643] april 4. Aan A. Oxenstierna.1

Searchform

Fulltext search

Metadata search

Search domain