Search
Add panel
[tiler debug info]
Christina Dei gratia Suecorum, Gothorum Wandalorumque designata regina et princeps hereditaria, magna princeps Finlandiae, dux Esthoniae et Careliae Ingriaeque domina, etc., gratiam et favorem nostrum singularem.
Nobilis ac magnifice nobis sincere fidelis,
Eodem fere tempore quo ad nos perlatum est supremum vitae diem obiisse christianissimum regem Galliae, nuntiatur nobis de insigni victoria quam dux Anguinensis ad Rocrocium obtinuit de Melone generali et exercitu Hispanico.2 Igitur postquam iam nuper
369
tibi mandavimus ut dolorem nostrum filio novo regi et huius matri reginae testeris, hisce tibi mandamus ut gratuleris christianissimo regi tam insignem victoriam; quo nomine tibi mittimus hasce fidei pro te literas ad regem scriptas, quarum exemplum vides ex adiecto apographo.Atque hisce divinae te protectioni clementer commendamus, sacrae regiae Maiestatis regnique Sueciae respective tutores et administratores,
Petrus Brahe, comes in Wissingsborg, R.S. drotzetus, m.pp.
Gustavus Horn, loco R.S. marschallii.
Claudius Flemingh, loco R.S. ammiralii, m.propria.
Axelius Oxenstierna, R.S. cancellarius, m.p.
Gabriel Oxenstierna, liber baro in Moereby et Lindholm, etc.,
R.S. thesaurarius, m.p.
Dabantur in regia nostra Stocholmensi, die 17 Iunii anno 1643.
Bovenaan de brief schreef Grotius: Rec. 4 Aug.
Bovenaan de copie te Stockholm: Ad legatum dominum Hugonem Grotium, ut nomine suae regiae Maiestatis gratuletur christianissimo regi de obtenta ad Rocrocium victoria. Datum Stockholm, anno 1643, Iunius 17. A. G[yldenclau].3
Christina van Zweden aan Lodewijk XIV, 27 juni 1643.
Nos Christina, etc., serenissimo et potentissimo principi, fratri, consanguineo ac foederato nostro carissimo, domino Ludovico XIV, eadem gratia Franciae et Navarrae regi christianissimo, etc., salutem et prosperos rerum successus.
Serenissime et potentissime princeps, frater, consanguinee ac foederate carissime,
Magna cum laetitia tum ex relationibus aliorum, tum ex literis domini baronis de Rorté hisce diebus percepimus4 Serenitatem vestram sub ductu illustrissimi ducis Anguinensis insigni adversus hostem ad Rocrocium victoria potitum esse, trucidatis aliquot hominum millibus, aliquot millibus captis cum magna signorum et rei armamentariae copia. Mitigat ingens haec felicitas non parum dolorem nostrum, quem ex percepto de regiae mortis nuntio nuper contraximus,5 continuis domini parentis Serenitatis vestrae successibus hac victoria obsignatis et pollicente nobis divina bonitate ex illa sub initio regiminis Serenitatis vestrae obtenta continuationem rerum prospere gerendarum. Et cum ex acerrimo hoc conflictu partaque de hostibus victoria vires eorum plurimum sint attritae, non dubitandum est quin turbatis pariter consiliis ac destinatis hostilibus magnum emolumentum causae communi ex eadem accrescat, vestraque Serenitas provisura sit, quo et in superiori Germania militantes sub ductu domini comitis Guebriani copiae pares sint viribus ibi hostium tum sustinendis tum contundendis.6
Sed gaudium super praetacta victoria nostrum, et quae eam praeterea concernunt, pluribus Serenitati vestrae exponet legatus noster, dominus Hugo Grotius, quem ut cle-
370
menter admittat audiatque, peramice a Serenitate vestra contendimus, divinae eandem protectioni ex animo commendantes,sacrae regiae Maiestatis etc.,
P[etrus] B[rahe], [Gustavus Horn], C[laudius] Fl[emingh], A[xelius] O[xenstierna],
G[abriel] Ox[enstierna].
Dabantur in regia nostra Stocholmensi, die 17 Iunii anno 1643.
Bovenaan de copie te Stockholm: Gratulatoriae ad regem Galliae super obtenta ad Rocrocium de hoste victoria cum annexa suasione et monitione augendi exercitus Guebriani in Germania. Datum Stockholm, anno 1643, Iunius 17. A. G[yldenclau].
