7067. 1644 september 29. Van G. Keller.1

Hochedler, etc., hochgeneigter herr vnndt patron,

Der graff von Lamberg hällt sich noch allss privatus hier vff,2 lässt sich von niemandt besuchen, wirdt auch, ehe vnndt bevor der graf von Awersperg hinweg, sich nicht kundt geben vnndt anmellden lassen. Dieser wartet allein noch vff einen pass von der fraw landtgräffin, sobalt er den bekommen, wirdt er seine reise zue werck setzen. Jetzundt befindet er sich zue Münster,3 nimbt von den käysserl. vnndt Spanischen gesandten daselbst seinen abschied, vnndt wirt heut oder morgen wiederumb alhier erwartet.

Der general Velen4 hat auss der Westphälischen guarnisonen 16 compag[nien] zue pferd vnndt 12 zue fuess gezogen, mit welchen er nach dem Sawrlandt gangen, daselbst meher völcker an sich zu ziehen, follgendts mit Gleen5 sich zu coniungiren vnndt so dan zue den Beyerischen zu stossen.

Ich bin vnndt verbleibe,

Ew. Exc. gehorsamber diener,
G. Keller m.pa.

Ossnabruck, den 19. Septembris anno 1644.

Adres: A son Excellence, monseigneur Grotius, ambassadeur de Suede en France, à Paris. 9 st.

Bovenaan de brief schreef Grotius: Rec. 11 Oct. 1644.

En in dorso: Rec. [sic] 19 Sept. 1644 Keller.