Search
Add panel
[tiler debug info]
Monsieur.
Je désire de savoir si la lettre de monsieur le Président Jeannin2 a faict quelque opération en vostre faveur. S'il y reste encore quelque chose j'espère l'obtenir, mais que le Roy soit icy. Vous vous pouvez asseurer de la bonne et sincère affection dudict Sieur Président envers vous et les vostres. Et avons toute juste subiect de prier Dieu pour sa longue vie. Les Seigneurs de la religion traictent chacun apart, qui nous donne espérance de la pais avecq grand advantage du Roi. L'Ambassadeur de Flandre crie fort icy contre l'exécution faicte par
228
monseigneur le Prince Henri3, mais on entend bien icy lea causes de ceste entreprinse. Je suis bien aise de ce que m'escrivez de 68, mais l'obstacle qu'y adjoustez est bien grand. Je croy que prez 74 les différents s'accommoderont, mais à grand despens de nostre pays. On me mande aussi d'autre part ce que me mandez de 22. Il semble qu'il faudra attendre le meilleur temps avecq grande patience. 96, 98, 100 affectionnent de plus en plus 68 et 124. Je voudroy que 108 fust un peu bien instruist de nos affaires, mais il est loing d'icy. Je me recommande à vos bonnes graces et celles de Madame vostre compagne4, ma femme avecq vostre permission en faict autant. Le 20 de Juing 1622. A Paris.Vostre très humble Serviteur
H. de Groot.
Adres: A Monsieur Monsieur de Stoutenburgh.
