1095. 1626 september 2. Van Hero van Inthima1.

Nobilissime et amplissime heros,

Ego per aliquod tempus laethaliter decubui, nunc revalui, propter turbulenta tempora impedior, quominus nummos corradere queam; velim itaque, amplissime, ut tua authoritate id efficias, ut filium2 consoleris patientiam ferre, ego brevi operam dabo, ut relaxetur et tua claritas laborabit, prout mihi scripsit, ne nimium carceris impensa excrescant. Ego pro hisce servitiis occasionem quaeram in omnibus recompensandi. His mi, excelse vir, Deo commendatus et pauca per praesentem rescribe. Cursorie Haghae Comitis die 2 Septemb. ao. 1626.

Tuae Dominat. semper obstrictissimus
Hero van Inthima.

Adres: Nobilissimo, Ampliss. et Celeberrimo Viro Hughoni Grotio, Regis Franciae etc. Pensionario, Domino, fautori et amico suo semper amando et honorando.