1686. 1631 oktober 28. Aan Willem de Groot1.

Placet, mi frater, facti quaestio proposita. Dubito, an et privilegiorum Rotterodamensium, quorum effectus mihi ut contractus ferebat, oblitus non est specialem mentionem facere ex usu sit. Nam eo facile solvetur quod dici posset me a rectoribus deditum ordinibus federatis eorumve delegatis judicibus. Rogo responsum duobus exemplis signetur, quorum alterum tradatur Hertogsveldio2 per me, nam in conventu eo usurus est; alterum nobis servemus. Rogo negotium urgeatur, nam conventus die Martis imminet. Die Lunae habebitur urbis senatus.

Vale et tum optimos viros iurisconsultos illos, tum amicos alios saluta.

28 Octobris 1631.

Tibi obligatissimus frater
H. Grotius.