1824. 1633 maart 16. Aan Willem de Groot1.

Mi frater,

In literis, quas per Medii2 manum ad uxorem miseram, ut certiore ituris via minusque interceptoribus obnoxia, ea scripseram, quae aliis literis committere minus tutum judicabam. Quare refert mea scire, quomodo illae patri perierint et an non eas quoque curiosi, ut meas hic et ad me missas aliquando subripuerint. Libera me hac sollicitudine et amicos omnes pro me saluta.

16 Martii ex Cal. novo 1633.

Tuus tui merito amantissimus
H. Grotius.