1847. 1633 juni 6. Aan P. en J. Dupuy1.

Memor, qua soleatis, viri nobilissimi, benignitate complecti omnes eos, qui bonam mentem bonasque literas amant, Germanum hunc2 nobilem istis mihi notis commendatum vobis quoque tradere non dubitavi pro magno ducturum beneficio, si et librorum exquisitam in vestra domo copiam videre poterit et eorum frui colloquiis, qui ipsi pro libris esse possunt.

Dabitis veniam si saepius vobis molestum me esse cogit illa conjunctio, quam semper mihi cum omnibus honestarum artium cupidis intercedere judicavi.

Valete suaviter cum Thuana domo tota3.

VI Iunii MDCXXXIII.

Vester
H. Grotius.