1894. 1633 november 19. Aan P. en J. Dupuy1.

Iuvenes isti Germani2 commendati mihi a viris eruditionis fama florentibus ex patria sua bello cum maxime ardente in altae pacis loca, id est in Galliam, se conferunt simul et quieti suae consulentes et quaerentes profectum ex virorum literatorum amicitia.

Vobis igitur ante alios hosce adolescentes tradendos existimavi, qui mihi semper inter primos amicorum fuistis et nunc prope restatis soli Rigaltio3 Mediomatricas, Salmasio4 Lugdunum, Tileno5 in vitam traducto meliorem. Pluribus uterer verbis, nisi scirem id a me peti, quo vos sponte fert bonitas vestra.

Hamburgi IX/XIX Novembris MDCXXXIII.

Vester toto animo
H. Grotius.

In dorso: lettre de Mr. Grotius du 19 Nov. 1633. Hamburg.