Search
Add panel
[tiler debug info]
Heri, doctissime Schmalchi, scripsi et tibi et Illustrissimo Excellentissimoque D. cancellario2 recta Wormatiam. Nunc cum intelligam retentari omnes literas, quae Wormatia venerunt, ad me missas, ut arbitror, praecipue idem futurum puto de iis, quae eo mittuntur. Ideo has per Metim mittendas censui, et cum iis literas ad me Hep[p]ii3. Ego quid quantumve illi debeatur nescio et totum negotium relinquo prudentiae Illustrissimi et Excellentissimi Domini. Ceterum quae scribit etiam passim loquitur et rebus nostris nocet, ut ex Heufdio4 cognovi. Ingesserat
316
se ultro me non rogante negotio meae in urbem receptionis. Vereor, ne res turbaverit. Primum dixerat comes de Brulon5, regis admissionalis, die Veneris aut Saturni futurum ut inducerer; nunc moras alias nectit, tentat, an incognitus ingredi urbem cupiam, postea, ubi commodum erit, exiturus et ita recipiendus solenniter, quod Veneto6 factum nuper. Metui, ne, si id facerem, res postea procrastinando in oblivionem venerit regnoque Suedico ignominiosum foret minus honoris accepisse quam alios. Itaque constitui haerere heic ad Dionysii aedem et experiri, legatio nostra ipsis cordi sit necne. Nam etiamsi incognitus inirem, non eo a rege7 audirer citius; est enim et hoc in eorum manu. Credibile est ab ipsis literas exspectari nuntiaturas, quid apud Illustrissimum et Excellentissimum Dominum sui egerint legati.Ad aedem Dionysii V/XV Februarii MDCXXXV.
Tui amantissimus
H. Grotius.
Heppius totus a patre Josepho pendet8.
Adres: A Monsieur Monsieur P. Abel Schmalckius à la suite de Monseigneur le grand Chancelier de Suède.
In dorso: Worms den 21 Febr. 1635.
