eLaborate
::: eLaborate options :::
    Show pagebreaks
    Show variations
    Letter



    2064. 1635 april 20. Aan L. Grubbe1.

    Nobilissime Domine,

    Et gratam habeo pro injuncto mihi legationis munere gratulationem et ex animo amicitiam spondeo mutuam, et literarum hoc commercium rebus utrique mandatis utile, mihi vero jucundum, non deseram colere.

    D. magnus cancellarius2 dies jam sunt duodecim Argentorati visus scribitur,

    433

    unde colligimus non longe ipsum hinc abesse per Galliam iturum ad mare, unde ad vos iter properabit, quantum poterit. In ipsius adventum pendet dilata nova ex usu utriusque regni pactio.

    Galli ut Batavis ita et Germanis spem faciunt aperti in Caesarem3 belli neque minus in Hispanum4. An responsurus sit eventus, varii, ut fit, varie judicant. Rex5 ipse hinc abiit propius Belgicum finem. Superioris Germarniae res tristes amissis Augusta Vindelicorum fame, Philipsburgo et Trevirorum oppido haud dubio Gallorum neglectu6; adversus tot mala unico in Spirae receptu7 solatio.

    Gallicus sub Lafortio8 exercitus a Rheni ripa, cujus custodia duci Bernhardo9 mandatur, retro in Lotharingicum limitem ducitur, ut iungatur cum altero sub Castilionaeo10 exercitu, quibus communiter imperaturus est Condaeus princeps11. Fervet ibi bellum et Monspellicardi obsidione Lotharingi ducis12 premitur.

    Ad Rhaetos iit Rohanius13 cum excercitu imminuto ad mille ferme et sexcentos, sed favit illis in partibus fortuna Gallis iam ante adventum eius capto a Gallis, qui praecurrerant, castello Riva, quo aditus ex agro Mediolanensi in Telinam vallem impeditur.

    Quid Saxo14 facturus sit Gallia Germaniaque sollicite exspectant. Si perstat Brandenburgicus15 in consilio nihil seorsim a sociis agendi, sperari puto posse etiam Saxonem communia et tuta praelaturum privatis ac periculosis.

    D. magni cancellarii adventus etiam in hoc utilis esse poterit, ut de archiepiscopatu Magdenburgensi inveniatur aliqua regnum Suetiae cum electore Saxone conciliandi ratio. Concordia enim inter protestantes si unquam nunc certe opus est. Non desinit Masarinus, pontificis nuncius16, in ipsorum damnum fabricare pacis Austriacae domus cum Galliae regno consilia, verum non facile cusu est id opus.

    Deus det quae in commune sunt salutaria, idemque tuam Nobilitatem et res ejus prosperet.

    Lutetiae, X/XX Aprilis MDCXXXV.

    Tuae Nobilitati addictissimus
    H. Grotius.
    Notes



    1 - Copie Den Haag ARA. Eerste afd. coll. Hugo de Gr. Aanw. 1911 XXIII no. 1, p. 8. Gedrukt Epist., p. 142. Geadresseerde, Lars Grubbe, behoorde tot een van de oudste en aanzienlijkste adellijke geslachten van Denemarken.
    2 - De Zweedse rijkskanselier Axel Oxenstierna.
    3 - Ferdinand II.
    4 - Philips IV van Spanje.
    5 - Lodewijk XIII.
    6 - Augsburg was in maart 1635 door de troepen van Ferdinand II veroverd; Philippsburg was op 24 januari 1635 in handen van Ferdinand overgegaan en op 26 maart was de keurvorst van Trier, Philipp Christoph von Sötern, met zijn hoofdstad in handen van de Spanjaarden gevallen.
    7 - Spiers was in februari 1635 door de troepen van Ferdinand II genomen, doch in maart d.a.v. door de Fransen heroverd; vgl. no. 2034, p. 395 en n. 12 aldaar.
    8 - Jacques Nompar de Caumont, hertog van La Force.
    9 - Bernhard, hertog van Saksen-Weimar.
    10 - Gaspard de Coligny, graaf van Châtillon.
    11 - Henri de Bourbon, prins van Condé.
    12 - Karel IV, hertog van Lotharingen, zie over hem no. 1950, p. 276 n. 1.
    13 - Henri, hertog van Rohan.
    14 - Johann Georg, keurvorst van Saksen.
    15 - Georg Wilhelm, keurvorst van Brandenburg.
    16 - Jules Mazarin - Giulio Raimondo Mazzarini - extra-ordinarius nuntius van Urbanus VIII te Parijs.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]