2175. 1635 juli 9. Aan A. Oxenstierna1.

Cum videam lento itinere progressurum D. Mullerum2, ea quidem, quae nuntianda existimavi, scribam mittamque per tabellarios. Caeterum arripiam hanc datam mihi ab ipso occasionem mittendi edicta nummaria annorum aliquammultorum longo labore collecta3. Cuduntur et nova, quae mittam postea. Ambitio subditorum magnum regi4 vectigal est. Alia sic administrantur, ut ditescant ad invidiam pauci, pars ingens inops sit ad misericordiam. Satis potens regnum, si eorum, quae populus tolerat, vel quinta pars ad veros usus perveniret.

73

Deus, Excellentissime Domine, Sublimitatem Tuam communi bono servet ac sospitet.

Tuae Sublimitatis devotissimus cultor
H. Grotius.

Lutetiae, 9 Iulii 1635.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.