2314. 1635 oktober 13. Aan A. Oxenstierna1.

Vix abierat Caletensi via tabellarius, cum ad me venit Ponica2 ducem Bernhardum iterum valere dicens, cladem acceptam ita imminuens, ut abductas Gallorum machinas non neget. Gustaviburgum, simul atque Gallicus exercitus cis Rhenum rediit, hosti ait deditum. Dux ipse, quantum ex ipsius sermonibus cognoscere est, nisi a Gallia montes accipiat aureos, se ad pacem privatamque vitam referet, ut exspectet haereditates amicorum, quorum alii orbi sunt, alii non multum absunt ab orbitate. A Bacchylide3 abducet suum militem4 succedent lactucarii5, ut eo melius res Pindari6 suo ex usu constituant.

Haec extra ordinem duabus viis significanda duxi.

Deus, Excellentissime Domine, Sublimitatem Tuam resque ejus prosperet.

Tuae Sublimitatis cultor devotissimus
Hugo Grotius.

3/13 Octobris 1635.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.