2437. [1636 januari 11]. Van C. de Groot1.

Venerande Pater,

Scripsi ante octiduum2 et mea et Dn. Smaltzii3 nomine, qui quae (t)unc habebat nova, ea me edocuit, ne laterent te ista ipso interim scriptionem differente. Hasce nunc simul cum illis accipies, quas mittit tibi M. cancellarius4 ipso ineuntis anni festo die, quem faustum tibi et salutarem precor.

Quod de induciis postremis litteris meis addidi5, in eo a Dn. Smaltzio deceptus sum, qui rem haud compertam sibi satis manifestis indiciis, voluit, ut pro certo tibi nuntiarem.

Nunc multum diversa audimus. Bannerium6 nempe equitatum VIII mille hominum, parem numero peditatum, inito(?) recenter copiarum numero haud longe Havelberga in hostem ducere, quin jam Berlinum toto cum exercitu premere intra quam paucos ante dies constitisse electorem7 utrumque constans est fama.

Gallicis e partibus nuntiatur nobis Gallassii8 copias diffluxisse partim, partim Rhenum transgressas.

472

Deus tibi matrique meae adsit benignus.

Tuus tibi obedientissimus filius
C. Grotius.

Straelsundae, S.V ... januarij (?).

Adres: A monsieur monsieur Grotius, Ambassadeur de la Couronne de Suède à Paris.

Boven aan de brief schreef Grotius: Rec. 21 Febr. n.s.

In dorso: fine 1635 C. de Groot.